News
Südtirol2Go – l’app dl trasport integré tl Südtirol
L'app Südtirol2Go pita la poscibilité da ciaré do i orars di mesi publics (ferates, bus urbans, bus extraurbans, citybus, furnadoies), calcolé le percurs cun lapró la secuënza dles fermades, ciafé informaziuns sön les tarifes, la viabilité, i titui de iade, i avisc y la cartografia che alda lapró.
Cun Südtirol2Go vára da salvé i iadi sot i preferis y ti ciaré offline, deperpo che la funziun Around me alisirëia l’inrescida de fermades vijines y coliamëc ti proscimi menüc pro la fermada plü daimpró.
Les opziuns d’inrescida conzed da stlü fora n valgügn mesi de trasport y da chirí fora le tëmp mascimal da jí a pe, a na moda da personalisé tres damí l’inrescida di coliamënc.
Chi che á le Südtirol Pass y Südtirol2Go á ince le coliamënt diret a MyPass, n’aplicaziun por Android da desćiarié debann che conzed da avëi sön le fonin dötes les informaziuns sön so Südtirol Pass.
L’app Südtirol2Go é gnüda realisada dala Provinzia Autonoma de Balsan, Agenzia provinziala por la mobilité, en colaboraziun cun ArchiMedia srl y metüda a desposiziun dl 2016 debann ala jënt che s’anüza dl trasport publich local dl Südtirol, te na verjiun ajornada.
Südtirol2Go é danman por badiot, gherdëna, talian, todësch y inglesc.
L’app pó gní desćiariada debann por Android, iOS y Windows Phone.
http://www.agenzia-mobilita.bz.it/it/orari-mobile.asp
Agenzia provinciale per la mobilità